En il champ da segirtad en IT sa tracta i d'ina segirtad tgi è be subjectivamain e difficultusamain mesirabla. Ins na sa betg definar segirtad extendidamain e senza ambiguid. Gist ord quest motiv ègl impurtant d'enconuscher ils prinzipis da la segirad da IT.

Il dossier declara differentas metodas da hackers che train a niz il fatg che nums d'utilisaders e pleds da pass vegnan transportads en text decifrà sur l'internet. Quai succeda tar suandants protocols da l'internet: FTP (transfer da datotecas), HTTP (transfer da paginas d'internet), SMTP (tarmetter da novitads da A tar B), POP (retrair e-mails ord la chascha postala), Telnet (tgira lontana da computers). ‚Sniffing' e ‚Malcode' èn metodas da hackers che sa basan sin quests protocols. Latiers vegnan anc problems che resultan ord il niz da sbagls da configuraziun e sbagls da la software. Era applicaziuns da web e represchentaziuns en il web portan in risico.

La pli gronda sfida da l'internet e da la segirtad da IT è la cumplexitad. Malgrà che tecnologias fundamentalas che pussibiliteschan l'internet èn simplas da chapir, mainan la ferma colliaziun e la gronda schelta da products da software sin il martgà tar bleras largias da segirtad. Uschia capitan sbagls che pon daventar problems da segirtad. Il potenzial da privel po vegnir reducì cun endirir il sistem da menaschi e cun procurar per ina configuraziun segira da las applicaziuns. Quai chapitel porscha simplas e bain chapiblas instucziuns per endirir ils sistems da menaschi da Microsoft e Macintosh.

Il chapitel ‚rimnada da links & survista da tools' sa fatschenta cun l'iniziativa "Digital Freedom" tgi promova la discussiun da la libertad d'infurmaziuns en l'internet e champs colliads sco segirtad da IT, schurmetg da la sfera privata e dignitad umana sco era la preservaziun da la libertad d'infurmaziuns.

Il davos chapitel dal dossier inditgescha a l'utilisader insaquants links che sa fatschentan cun la segirtad dals dus sistems da menaschi utilisads il pli bler en las scolas (Mac OS X e Windows).