"Wissen un Wachsen", il portal tematic per l'educaziun prescolara , ha tranter auter deditgà ina part a l'integraziun da novas medias en scolina - a basa da  l'enconuschientscha ch'il computer facilitescha la promoziun individuala.

Noss pajais  dovra inschigners, e surtut inschigneras. La directura da furmaziun da Turitg Regina Aeppli attesta envers la NZZ d'in maun mancanzas, fa  dentant era  attent als cunfins da l'influenza da la scola.

L'Uniun tetgala da las scolastas e dals scolasts svizzers, il Syndicat des Enseignements Romands e l'Uniun dals emploiads da la polizia svizra preschentan communablamain lur recumandaziun per in gea a la votaziun dals 30 da november.

Il portal d'infurmaziun areguard  la furmaziun da medias da la SAP Turitg preschenta  a persunas d'instrucziun purschidas areguard  la furmaziun supplementara  e cussegliaziun en il champ dad ICT e furmaziun da medias.

Ils 30 da november vegn votà en ils chantuns GR, SG, TG e ZH davart l'adattaziun da las structuras da scolas, davart il concordat da HarmoS. L'uniun da scolastas e scolasts  LCH appellescha  a las votantas ed als votants da sustegnair  l'iniziativa.

In studi en num da la BASPO ha prendì  sut la marella il cumportament  sportiv da giuvenils tranter 10 e 14 onns. Resultat: cun 12 onns èn ils giuvenils sportivamain il pli activs. Dasper il sport en scola frequentan els dapli che trais uras sport.

L'Uniun Rumantsch Grischun ha edì in nov cudesch d'uffants "Il secret da Geraldina" In cudesch illustrà per uffants dal stgalim bass/mesaun. Il cudesch custa in vendita CHF 18.00!

Finalmain avain era puspé in vendita in cudesch da Nadal en sursilvan e rumantsch grischun en in cudesch."Truscal il pigniel da Nadal" in cudesch da Nord Süd per CHF 18.-- !

Lavurar gratuitamain per Wikipedia u projects dad Open Source na pon ins proximamain betg pli sa lubir, di il schurnalist american Andrew Keen, cunquai che la prontadad da purtar servetschs gratuits en il temp da la crisa finanziala vegn a tschessar.

Ina retschertga da la IHA-GfK mussa: in sistem da scola unifitgà vegn giavischà d'ina fitg gronda part da la populaziun: 93% dals Svizzers èn per in sistem unifitgà da scola. Sulet crap da stgarpitsch: bassa vegliadetgna d'entrada  dals uffants.

Als dis da medias a Minca èn per l'emprima giada vegnids preschentads ils resultats dal studi "Gewalt im Web 2.0".  Cun las pussaivladad dal Web 2.0 èn ils giuvenils confruntads pli intensivamain cun furmas fictivas e realas da violenza.

Tar il di naziunal da la figlia pon giuvnas visitar professiuns tecnicas e scientificas. Ellas pon guardar co tecnicists, informatichers e scienziads da la scienzia natirala lavuran, discussiunar ed era far dumondas.

PCtipp ha observà en detagl diesch browsers actuals e perscrutà els tenors ils suandants criteris "Die Testkandidaten im Überblick", "Darstellungstests", "Geschwindigkeitstests", "Fazit und Ergebnisse im Überblick".

Pli u main 200 persunas han demonstrà a Berna cunter la refurma da furmaziun decidida en l'Italia. A las scolas talianas en Svizra smanatscha la fermada, quai che haja influenza gist sin ils uffants.

Il Lexicon istoric svizzer e la gasetta quotidiana "Der Bund" organiseschan ina concurrenza da texts. Tschertgà vegn in artitgel da lexicon davart ina persunalitad svizra fictiva. Il termin final da spediziun è ils 16 da schaner 2009.

En il connex cun l'onn da l'informatica ‘informatica 08' ha il BFS edì novs indicaturs tar la societad d'infurmaziun. Il champ ‘furmaziun' gioga ina rolla da clav en il svilup ad  ina societad d'infurmaziun.

Ils 14 da november 2008 vegnan uffants e creschids da tut las quatter regiuns linguisticas da la Svizra a raquintar in a l'auter istorgias davart il tema "L'aua raquinta". Infurmaziuns detagliadas chattais Vus sin la pagina Web.

SRG SSR idée suisse preschenta la retscha da films curts "SCIENCEsuisse". En il focus stat ils lieu da perscrutaziun Svizra cun purtrets da perscrutaders ord differentas disciplinas. Davent dals 26 d'october da vesair sin SF 1.

Toobrain lantscha danovamain ina concurrenza da video. Questa concurrenza sa drizza a scolaras e scolars da la 7. a la 13avla classa. Il tema sa numna: "Alles was bewegt". Fin d'annunzia: ils 31 da december 2008.

La chasa editura per enconuschientschas spezialas da computer avra in portal da downloads che preschenta a persunas d'instrucziun pussaivladads d'integrar il computer raschunaivlamain en l'instrucziun cun agid da Teach-Papers.

Titus Bürgisser, manader da la pedagogia sexuala e scola a la SAP da Lucerna, è da l'avis che uffants duessan vegnir confruntads gia en scolina cun l'educaziun sexuala.

Siemens preschenta la nova rimnada da medias digitalas "cun energia en il futur" per persunas d'instrucziun. Dapli che 260 medias gratuitas preparadas pedagogicamain e didacticamain areguard la tematica energia vegna purschidas.

La fundaziun SILVIVA porscha curs da perfecziunament per persunas d'instrucziun areguard las suandantas tematicas: Co poss jau sensibilisar mes scolar/mia scolara per il guaud? Tge effect ha il guaud sin il svilup dals scolars/da las scolaras?

Il mund da lingua franzosa vul s'engaschar per reducir per la mesadad il  sbuf da CO2 sin l'entir mund fin l'onn 2050. Sco finiziun da l'inscunter suprem francofon han ins decidì ina collavuraziun en la politica da clima.

L'olimpiada svizra da matematica è ina concurrenza per scolaras e scolars che s'interesseschan en il rom matematica per dapli che mo la materia da scola. Ils 6 megliers giuvenils sa qualifitgeschan gist per l'olimpiada internaziunala da matematica.

Il studi Furmaziun sco facultad futura da la cussegliaziun d'interpresas McKinsey per incumbensa da la fundaziun R. Bosch, mussa co ch'ins pudess accelerar la refurma da furmaziun en Germania, recrutar magistraglia e garantir la creschientscha.

Ils 28 da november 2008 organisescha la SAPTG a Kreuzlingen ina dieta davart  la tematica "Pains and Gains of Mobility in Teacher Education". Ella duai porscher a magistragliala pussaivladad da discussiunar davart experientscha cun la mobilitad.

En l'ediziun nova da la newsletter da echanges.ch "Austausch aktuell!" vegn fatg attent ad in'offerta da la Gronda Britannia, nua che scolas svizras cun englais tempriv retschaivan la pussaivladad da realisar ina correspundenza da brevs u d'e-mails.